تعريف مسامية الشعر 

المسامية طبعا جاية من مسام ومسام يعنى فرجات أو فتحات أو فجوات فمسامية الشعر هى تلك

الفجوات التى بين طبقات الكيوتكل الخارجية والتى تسمح بولوج كل العناصر من خارج الشعرة

إلى داخل الشعرة 


الشعرة يا ست هانم تلت طبقات 
طبقة الكيوتكل الخارجية اللى عاملة زى غلاف النخلة أو سطح البيت الإنجليزى وهى عدة طبقات بروتينية بعضها فوق بعض ودى للحماية الخارجية وللدفاع عن بقية الطبقات فلو دمرتيها اعتبرى شعرك بدأ فى الإنهيار 
طبقة الكورتكس ودى صلب الشعرة وسبب قوتها ودى مستخبية ورا الكيوتكل ومحمية بيه ...وياويلك لو العدو عدا حائط الصد دة ودخل للكورتكس
طبقة الميدالا  ودى حاجة فاضية كدة بس بتدى للشعر القوة على الإنحناء و الإنثناء علشان لو مش موجودة كنتى كل ما هتسرحى شعرك يتكسر ويبوظ 

 
لاتنظرى للشعرة على أنها نسيج جامد لايتفاعل مع الخارج ولا يتأثر بالمواد المستخدمة عليه , تخيلى الشعر كشريحة جبن رومى , فيها فجوات تسمح لتسرب الماء والمواد الأخرى , تتشرب بالماء و تنتفخ , هكذا تماما غلاف الشعرة الخارجى و الداخلى 


لماذا تعتبر درجة مسامية الشعر هامة ؟
لأنها تحدد 
درجة الدمار الذى حدث لشعرك من الهبد والرزع اللى بتعمليه فى الغلبان
قدر العناية المطلوبة لشعرك فالشعر عالى المسامية يحتاج عناية أعلى من قليل المسامية
تحدد نوع المنتج الذى يحتاجه شعرك
يحدد لى أنا ماذا أستخدم فى كل حالة شعر كمواد فعالة وزيوت وما سوى ذلك,فعبير شعرها مختلف عن هناء ,كلاهما مختلف عن شعر كايداهم حتما 


كيف أحدد مسامية شعرى ؟
ودة سؤال متكرر بشكل غريب             
أحب أن أقول ابتداءا أن اختبار الشعرة و الكوب إختبار لا يعبر أبدا عن مسامية الشعر لأسباب كتيرة , فما على الشعرة و نوع المنتج المستخدم على الشعرة ونوع الشعرة نفسها بغض النظر عن مساميتها والجاذبية و التوتر السطحى كلها عوامل تجعل من الاختبار مثار شك كبير فى النتايج ,فلا تعتمدى عليه البته 
القياس الصح يكون معمليا بما يسمى إختبار إمتصاص الغاز ودة موضوع كبير ومحدش يقدر يعمله إلا فى معمل مجهز
فحص العينة من الشعر تحت الميكروسكوب تحدد مقدار ما أصاب الشعرة من إجهاد وتلف ومامورس عليها من تجارب خالة أم جيهان ..وصاحباتها 
بس خلينى أديلك مفاتيح تعرفك نوع مسامية شعرك عمليا من خلال دراسة شعرك نفسه و التعامل معاه