الشعر المنخفض المسامية 
إذا كان شعرك لامعا فى الضوء , جربى تاخدى خصلة شعر أو شعرة طويلة وتفرديها وتبصى عليه فى ضوء مصباح , بس مش مصباح علاء الدين يعنى , الشعر اللامع دليل على انخفاض المسامية لأن السطح أملس يعكس الضوء , الكيوتكل مش طالع لبرة راكب فوق بعضه فى شكل حلو يخلى

الشعرة تلمع فى الضوء, هذا الشعر منخفض المسامية

إذا كان شعرك بيدهنن بأقل كمية من الزيوت و الكريمات , فدة إشارة من الشعر إنى مش عارف أمتص الحاجات دى , وأنا منخفض المسامية يا ست الكل 


إذا كان شعرك صعب الفرد ومش سهل يتعمله بروتين , فدة دليل على أنه منخفض المسامية , بس طبعا هيقلب بعد عمل البروتين ويطلع عينك


إذا كان شعرك لا يقبل الصبغة بشكل سهل فهو منخفض المسامية , وتكرار الصبغة هيقلبه طبعا لأنه هيبهدل طبقة الكيوتكل الحامية


إذا كان شعرك مش بتفرق معاه البلاسم وحمامات الكريم ومش بتغير من طبيعته خالص فدة اقرب أن يكون منخفض المسامية لأنه فى الأصل مفيش حاجة بتدخله بسهولة 


الشعر المنخفض المسامية غالبا ما يكون شعر لم يعالج أبدا بالقنابل العنقودية المعرفة بالفرد و الكوى والماش والصبغة وغيرها من وسائل تدمير الشعر الممنهجة 


الشعر المعقول أو العادى أو المتوسط المسامية 
لامع ولكن مش زى المنخفض المسامية فهو مش باهت ولكنه غير لامع بشكل ملحوظ

غير عنيد مع الزيوت و البلاسم ويمتصها بشكل معقول غير شره ولايزيتش ولايدهنن
يقبل الفرد و الصبغة بشكل سهل
يبان عليه البلاسم وحمامات الكريم بشكل معقول

المنتجات المناسبة للشعر المنخفض المسامية من 

mamin

شامبو الشعر العادى أو الدهنى

ودعينى أوضح لحضرتك هنا توضيح هام جدا , إن نوعية الشامبو مش بتفرق فى موضوع الشعر العالى

المسامية أو المنخفض المسامية ولكن تفرق فى الشعر الدهنى و الجاف  

ليه ؟

لأن الشامبو مش معمول أصلا للإمتصاص الداخلى داخل الشعرة وإنما لتظيف الشعرة من خارجها

واللى بيختلف فى الدهنى عن الجاف , إنما المسامية فمش هنختلف فيها من ناحية الشامبو ونوعه 

 بلسم الشعر منخفض المسامية 

أو

حمام كريم الشعر منخفض المسامية 

الفرق بينهما فى قوة التغذية والبلسمية وفك التشابك

فحمام الكريم أقوى بلاشك ولكن لو حضرتك بتغسلى شعرك كل يوم يبقى البلسم أولى لو بتغسليه مرتين فى الأسبوع فحمام الكريم اولى

 

كريم التصفيف الليف إن 

ودة الفورميولا بتاعته مناسبة للنوعين لأنها تحتوى على نوعى الزيوت المستخدمة لنوعى الشعر وربما قريبا يصبح لكل نوع شعر كريم تصفيف مستقل