الشعر العالى المسامية  
شعر الكيوتكل فيه رافع حاجبه جدا ومش طايق نفسه ومخاصم بعضه ودة بيدى فرصة لدخول المرطبات
عالى امتصاص الزيوت و الكريمات بيمتص بسرعة 
عالى فقد المرطبات يعنى كأنك يا زيت ما اتغذيت , يعنى إيه الكلام دة ؟
باهت وغير لامع قطعا 
مستنى الفرد وما بيصدق
بيشرب الصبغة واللون يستمر أكتر
 بيبان عليه أثر النعمة , قصدى البلاسم و حمامات الكريم و الزيوت ,شوية, وبعدين ترجع حالة الشعرة لسابق عهدها         
لاحظى إن أحيانا شعرك ما بيبقاش حتة واحدة , يعنى الجزء العلوى يبقى عالى المسامية من الشمس و الشطف و الكلور و السباحة وكدة , والجزء السفلى متوسط المسامية أو حتى منخفض المسامية لبعده نسبيا عن الحاجات دى , فى الحالة دى بتعاملى الشعر بما غلب عليه يعنى الاكتر فيه أو تستخدمى حاجة لعالى المسامية بتركيز على الجزء العلوى


لاحظى كمان إن الشعر المجعد أكتر عرضة لأنه يكون عالى المسامية لأنه أكتر احتكاكا , الشعر المجعد اللى هوة غير مفرود ملفلف , سهل جدا الاحتكاك فيه ودة بيخليه عالى المسامية تدريجيا 
لاحظى دى ومهمة جدا : شعرك قد يكون طبيعته منخفض المسامية ثم بكل وسائل تدمير الكيوتكل يتحول لعالى المسامية ..كالتعرض المزمن للشمس والكوى والفرد والتلوين و التشقير 


لاحظى أيضا : إن موضوع المسامية تتدخل فيه الوراثة بشكل واضح جدا , ودة أشبه ما يكون بمسام البشرة يتأثر بالجينات والجنس , فمثلا الأسيويات أقل الشعور مسامية فى حين الأفريقان , حلوة الأفريقان دى ...شعورهم أعلى مسامية جدا وغير مستوية يعنى مجعدة , اسطمبة شعرهم كدة , فى حين الشرق أوسطيين فى الغالب متوسطى المسامية , طبعا قبل ما يستخدموا الهبد و الرزع 


طب أنا شعرى عالى المسامية بطبيعته أو قلب فماذا أفعل يا 
بصى يا ست هانم 
ممنوع منعا باتا ما يلى على الأقل لمدة سنة 
فرد الكيميائى بكل أنواعه , فكل أنواع الفرد مدمرة ولا تصدقى ابدا إن فرد الأرجان وفرد البوتكس خالى من الكيماويات وهيعالج شعرك , كل دة تسويق ونهايته تدمير شعرك جزئيا أو كليا .

الكى و البيبى ليس 
الماش و الألوانات
تتعرضى للشمس المباشرة لفترات كبيرة , 200 ساعة تعرض للأشعة مدمر للكيوتكل
تسرحى شعرك بمشط مكسور الأسنان أو فرشة قاسية وطبعا قللى عدد مرات التمشيط لانها بتاثر بشكل سلبى على الكيوتكل
لازم تستخدمى فوطة قطنية لأنها أولا لطيفة جدا على الشعرة وثانيا بتمتص كمية ماء كبيرة لو تراكمت على الشعرة هتمتصها وهينتفخ الكيوتكل زيادة ما هو منفوخ ...ويزيد الاحتكاك وتتفاقم الأزمة


 اتبعى روتين الشعر التالف وعالى المسامية من 

mamin

 شامبو الشعر الجاف والتالف
 غير مجفف اطلاقا يحتوى على مرطبات ومرممات للشعرة زى البانثينول و الألانتوين والعسل الطبيعى وخلاصات الأعشاب المركزة , يحتوى على أقل نسبة من المنظفات المذهبة للدهون لأن الشعرة جافة جدا أصلا 
بعض مدارس التجميل تنصح باستخدام طبقة خفيفة من زيت خفيف كجوز الهند أو عباد الشمس أو الجوجوبا قبل استخدام الشامبو , علشان تقلل كمية الماء الداخل للشعرة والمتبقى فيها بعد الغسل ودة بيقلل انتفاخ الكيوتكل اللى مش ناقص , جربيها ممكن تجيب معاكى نتيجة معقولة لو الجفاف شديد عندك


بلسم الشعر عالى المسامية 

  
 غنى بالزيوت اللى قد يكون الشامبو قللها بعد الشطف , وهى الزيوت من النوع الأقدر على اختراق الكيوتكل زى الزيتون و جوز الهند والأفوكادو والجوجوبا , غنى بالبلاسم المرطبة للشعرة زى خلاصة الحناء وخلاصة تمر الهند البلسمى وظيفته يهدى الشعرة بعد الغسل ويرطبها , يحتوى على كيراتين مجزا ليملأ تدريجيا فراغات الكيوتكل   

 

أو 

حمام كريم الشعر عالى المسامية المكثف

 ودة بيختلف عن البلسم إنه مش لازم يكون بعد الشامبو وإنما داخل فى روتين الشعر لوحده كدة , وإنه بيكون عالى المكونات المرطبة بشكل قوى كتنوع وكنسبة , طبعا بيحتوى على بلاسم و بيحتوى على زيوت عالية الاختراق للشعرة وزيوت قوية التغليف للشعرة , وزبدة دهنية زى الشيا , طبعا بنسب عالية علشان كدة بيسموه مكثف , بفتح الثاء مش بكسرها , لأنه ملهوش علاقة بتكثيف الشعر خالص , حمام الكريم يساهم بشكل قوى فى ترميم الشعرة المدمرة , وطبعا بيحتوى على بروتين مجزأ بشكل عالى , وعلى خلاصات عالية الترطيب وعلى بانثينول وعلى بيوتين وعلى عدد كبير من مرطبات الشعرة وحافظات الرطوبة ,كل دة علشان نحاول نرجع الشعرة لسابق عهدها , وماضى أيامها .
 ترطيب...يعنى طراوة 
تغليف...يعنى لمعان 
ترميم...يعنى قوة  

ماسك العسل وزيت الزيتون 


وأنا جربت عدد كبير جدا من ماسكات الشعر على عينات شعر آدمى وقارنت بينها (طبعا بمعايير قياس البلسمية والفرد و اللمعان وغيره) فملقيتش زى ماسك العسل وزيت الزيتون mamin 
يتكون من عسل وزيت زيتون وشمع نحل طبيعى وليثيسين

سهل الإمتصاص جدا لأنه اصبح مستحلب 

يمد الشعرة بالماء و الزيت و البروتينات و الأحماض الامينية ودة أهم ما تحتاجه الشعرة العالية المسامية المتدمرة

يترك ساعتين لتمام الإمتصاص والفائدة

يشطف بالماء  أو بشطفة شامبو خفيفة جدا لو شعرك فيه دهنية

كريم التصفيف الليف إن 

ودة يستخدم ككريم تصفيف للشعر يومى , يحتى على مرطبات ومغذيات وبلاسم تساهم فى بناء الشعرة 

 

زيت التكثيف 

بعض الشعور تتحسن جدا باستخدام الزيوت , ونظرا لأن الشعر العالى المسامية شره الامتصاص فهيستفيد جدا من مجموعة الزيوت النقية المتخصصة فى زيت الإنبات  

ملحوظات هامة جدا 


الشعر عالى المسامية خاصة المتغير من العادى للعالى بسبب الهبد و الرزع , شعر رخم ومحتاج صبر ومتتخيليش إن ماسك مرة هيحل المشكلة , لاحظى إن تراكمات تدميرية لسنين سواءا خاريجة على الشعر أو داخليا من نظامك الغذائى ساهمت فى التحول الكبير دة فتدى لشعرك فرصة 3-6 اشهر علشان نحس بتحسن ملحوظ


فحص الشعر مهم جدا , لذا اللى هيشرفنى فى الفرع يجيب معاه عينة شعر طرفية ووسطية علشان يتعرف بالظبط إيه المشكلة ودرجتها 


نظامك الغذائى يتدخل جدا فى تعديل شعرك أو تدميره , لا تتخيلى إن معدتك مفصولة عن شعرك , كله بيمتص وبيروح لمجرى الدم اللى بيغذى كل حتة بما فيها الشعرة, المدمرات الغذائية بتبهدل الشعرة و البشرة


خلى فى نظامك الغذائى مشروب العسل لأنه هام جدا للشعر و البشرة وأنا تتبعت مئات حالات الشعر تحسنت بشكل قوى من مشروب العسل مع بعض المكملات الغذائية زى الأوميجا 3 و زيت الزيتون شربا كما اشرت لذلك فى بوست منفصل 

 

لو إديتى لشعرك فرصة